Iene Buutn 't Veld kek noar Bantum

Iene Buutn 't Veld kek noar Bantum
20-11-2014
Door: I.B.V.

 

 

Hallo, doar bink dan ies weer. Veur zes weken uut Canada beij mien zeune, schoondochter en de kleine njongs, die ondertussen groter as ik binne. De iene voetbalt nog en de andere giet op een geleerde schoele.Mar ik blieve goed op de hoogte van mien cluppie. Ik kriege tegenwuerdig  mails, zo nuumt ze det toch of niet. soms bint er foto's beij. Now  un poosie leedn iene met twie gladjanussen dur op die naost de dugouts zaatn. (kenne weij ok in Canada) ene met un groot boek in de hande. Mien kleinzeune zegt dat bint de trainers die iene die wet t en is de boas en die aandre is nog in opleiding hij leert nog. Ak ze zo zage zittn ak de indruk dat ze bange waarn um muu te wurden.Mar ik geleuve det ze goed in de groep ligt en det ze de speulers wel better hebt leern voetballn. Volgens mien kleinzeune heb ik die kleinste wel ies zien voetballn Berisha ak goed schrieve samen mit Richard Tempelman det twie bint hele goein ewest. Tempelman leert noe de speulers uut twiede hoe ze mut voetballn.  Dus kan nog wel wat wurdn an de voart as noe de Zundag ok nog ies goed nao giet denkn, kunne weij mischien in de toekomst mit de gezamelijke jeugd iene vereniging wurden op zoaterdag . Die dan mischien nog wel hoger kan speuln dan de darde klasse.

Ak goed heurt hebbe mut ze Zaoterdag teegn Bergentheim (Bantum veur de mensen die verstand van voetbal hebt) Un ploeg die onversloanbaar is  zeg  de luu uut Zwolle veural as de fluittist un beetien wil met warken. Doelpunten eerst goedkeurn, dan afkeurn, of andes umme enne un bulte gele (rode) kaarten an de tegenstander geevn, grensrechter wegstuurn, trainer en begeleider op de tribune zettn. (vermoedelijk was e bange det ze kold soln wurdn) Loate weij hoopn det vanmiddag niet an de orde is.

Iene tip veur die beide keerls an de kante van SCD. Zurgt erveur dat oenze jongens knokt van begun tot 't ende um elke balle en dat ze allemoale de mond dichte hoalt enne niet zeuren teegn de scheidsrechter, die keerl hef toch altied geliek en buutn spel is buutn spel, jammer dan, dan muj mar goed oplettn.

Ak van mien vrouwe mag en as mien schoondochter niks biezunders hef u regelt, kom ik kiekn heur, want volgens mien kleinzeune  is ut bar gezellig in de kantine noa de wedstried. Vueral as ze wunn hebt dan kunt veural alle olde veurzitters zich uutleevn.

Ik kome kiekn en wense SCD veul succes,    IENE BUUTN ’T VELD

 

‘k heb nog unne vroage, die iene Jan met bretels is die d’r ok nog 

 

Bijlage: Geen bijlage

Contactgegevens SCD '83

Secretaris Dhr. J. Hamhuis
de Jasmijn 8
7701 WT Dedemsvaart

Tel.: 0523 - 614195
Tel. kantine: 0523 - 613034
Email: secretaris@scd83.nl